🕜🕑🕝🕒🕞🕡🕕🕠🌍TCBA @ சபை பொறுப்பும் நேரம் ஆளுமையும்🌍🕜🕠🕕🕡🕞🕒🕝🕑🌍TCBA @ CHURCH RESPONSIBILITY & TIME MANAGEMENT🌍

🕜🕑🕝🕒🕞🕡🕕🕠

🌍TCBA @ சபை பொறுப்பும் நேரம் ஆளுமையும்🌍

🕜🕠🕕🕡🕞🕒🕝🕑

🌍TCBA @ CHURCH RESPONSIBILITY & TIME MANAGEMENT🌍

🕜🕑🕝🕒🕞🕡🕕🕠

🌍தியான வசனம்:

ஆனபடியினாலே, நீங்கள் ஞானமற்றவர்களைப்போல நடவாமல், ஞானமுள்ளவர்களைப்போலக் கவனமாய் நடந்துகொள்ளப்பார்த்து, நாட்கள் பொல்லாதவைகளானதால் காலத்தைப் பிரயோஐனப்படுத்திக்கொள்ளுங்கள். 

எபேசியர் 5:15-16

🌍🌍🌍🌍🌍🌍🌍

🍒🍒 காலம் தவிர்க்க முடியாதது..

ஒரு கால இடைவெளியில் என்ன நிகழ்கிறது என்பதில்தான் ஒரு சபை பொறுப்பாளரின் தலைமைத்துவத்தின் தரம் சார்ந்து இருக்கின்றது. 

ஒரு இளம் நபரின் குணமும் எதிர்காலமும் அவருக்கு இருக்கும் அதிகப்படியான நேரத்தை எப்படி செலவு செய்கிறார் என்பதை சார்ந்து இருக்கின்றது.

 பள்ளி அல்லது அலுவலக நேரத்தை நாம் மாற்றி அமைக்க முடியாது. 

அது ஏற்கனவே நமக்காக திட்டமிடப்பட்டு விட்டது. 

அந்த நேரத்துக்கு முன்பும் பின்பும் நாம் என்ன செய்கிறோம் என்பது நம் கைகளில் தான் இருக்கின்றது.

வேலை உணவு தூக்கம் ஆகிவை போக இருக்கும் மற்ற நேரத்தை நாம் எவ்வாறு பயன்படுத்துகிறோம் என்பதில்தான் நாம் சாதாரணமானவர்களாக மாறுவோமா அல்லது சக்தி உள்ளவர்களாக மாறுவோமா என்பது சார்ந்து இருக்கின்றது. 

ஓய்வு நேரம் என்பது மகிமையான வாய்ப்பு.

அதைப்போலவே மறைமுகமான ஆபத்தும் ஆகும்.

ஒவ்வொரு நாளின் ஒவ்வொரு வினாடியும் கடவுள் நமக்கு கொடுத்த பரிசாகும்.

அதை நாம் அக்கறையுடன் காத்துக் கொள்ள வேண்டும்.

எல்லா வகைகளிலும் நமக்கு இருக்கும் காலம் குறைவானது.

செய்ய வேண்டிய வேலையோ மிகவும் அதிகம்.

🍒🍒 காலம் கட்டாயம் கடந்து போகும்..

நிமிடங்களும் மணிகளும் ஞானமாக பயன்படுத்தப்பட்டால் வளமான வாழ்க்கை மாற்றப்படும். 

ஒரு காலத்தில் மைக்கேல் ஏஞ்சலோ ஒரு வேலையை குறிப்பிட்ட காலக்கெடுவுக்குள் முடிப்பதற்காக வேகமாக வேலை செய்து கொண்டிருந்தார்.

ஒருவர் அவரை எச்சரித்தார்..

இப்படி வேலை செய்தால் உங்கள் உயிருக்கே ஆபத்தாக முடியும் என்று.

அந்த பெரும் கலைஞனும் வேறு எதற்கு உயிர் இருக்கின்றது என்று கேட்டாராம்.

நிமிடங்களும் மணிகளும் கட்டாயமாக கடந்து போய்விடும்.

ஆனால் நாம் அவற்றை உபயோகமானவைகளாகவும் நன்மையானவைகளாகவும் இயக்கலாம்.

வில்லியம் ஜான்சன் என்னும் ஒரு தத்துவ ஞானி, ஒருவர் தனது வாழ்வை சிறப்பாக செலவிடுவது என்பது அவரது வாழ்நாளையும் தாண்டி நிற்பவற்றிக்காக அதைச் செலவிடுவதே என்றாராம். வாழ்க்கையின் மதிப்பு என்பது அதன் கால அளவு அல்ல. அதை எதற்காக கொடுத்தோம் என்பதுதான். எவ்வளவு காலம் நாம் வாழ்ந்தோம் என்பதை விட எவ்வளவு நிறைவாக எவ்வளவு நன்றாக வாழ்ந்தோம் என்பதுவே முக்கியமானதாகும்.

🍒🍒 காலம் அதிக மதிப்புள்ளது.

ஆனால் நாம் அதை சிந்திக்காமல் வீணாக்குகிறோம். மோசேக்கு காலத்தின் அருமை தெரியும். அதனால்தான் சங்கீதம் 90.12ல் நாங்கள் ஞான இருதயம் உள்ளவர்கள் ஆகும்படி எங்கள் நாட்களை எண்ணும் அறிவை எங்களுக்கு போதித்தருளும் என்று ஜெபிக்கிறார். நாட்களைப் பற்றி நாம் அதிக கவனம் உள்ளவர்களாக இருந்தால் வருடங்கள் தாமாகவே கவனமாக இருந்து கொள்ளும். ஒரு தலைவர் எப்போதுமே "எனக்கு நேரமில்லை" என்று சொல்ல மாட்டார். அப்படிப்பட்ட சாக்கு போக்கானது குறுகிய மனதுடையவரும், சிறப்பாக செயல்பட முடியாதவருமான ஒருவருக்கு உரியதாகும்.

நமது வாழ்க்கையை குறித்த ஆண்டவரின் சித்தத்தை செய்து முடிக்கும் அளவுக்கு நம் ஒவ்வொருவருக்கும் காலம் இருக்கிறது.

JH ஜோவேட் இவ்வாறு கூறுகிறார்.

இன்னும் காலம் தேவை, இருப்பது போதாது என்று சொல்லிக் கொள்வதே நாம் சொல்லுகின்ற அர்த்தமற்ற வாக்கியங்களில் ஒன்றாகும்.

அதை திரும்பத் திரும்ப சொல்லி அதை நம்பும் அளவுக்கு நம்மை நாமே ஏமாற்றிக் கொண்டிருக்கிறோம் எப்போதுமே மிகவும் பரபரப்பாக இயங்கிக் கொண்டிருப்பவர் நேரமில்லை என்று சொல்ல மாட்டார். அவரது நாட்கள் ஒழுங்காகவும், அடக்கமாகவும் இருப்பதால் நீங்கள் அவரிடம் உதவி கேட்கும் போது சுயநலம் இல்லாமல் சேவை செய்ய ஒரு சிறு மூலையை உங்களுக்காக வைத்திருப்பார். 

ஒரு ஊழியர் என்கிற முறையில் நான் அறிக்கையிடுகிறேன்.

இப்படிப்பட்ட அதிகமான உதவிக்காக நான் யாரை பெரிது நம்பி இருக்கிறேனோ அவரே அதிக பளுவுடன் வேலை செய்பவர் என்று சொல்வேன். 

🍒🍒யாருக்கும் அதிகமான நேரம் கொடுக்கப்படவில்லை

மிகவும் குறைவான நேரம் தான் இருக்கிறது என்பது நமது பிரச்சனை அல்ல நம்மிடம் இருக்கும் நேரத்தை நன்றாக பயன்படுத்தால்தான் நமது பிரச்சனை ஆகும் அமெரிக்க. அதிபருக்கும் இருக்கும் 24 மணி நேரம்தான் நமக்கும் இருக்கின்றது. மற்றவர்கள் நம்மை விட திறமைகளில் பணத்தில் கவர்ச்சியில் மிஞ்சிவிடலாம் ஆனால் யாருக்கும் அதிகமான நேரம் என்பது கொடுக்கப்படுவதில்லை. 

தாலந்துகள் உவமையில்

( லூக் 19:12-27 )

ஒவ்வொரு வேலைக்காரருக்கும் பணம் கொடுக்கப்பட்டது போல நம் அனைவருக்கும் ஒரே அளவான நேரம் கொடுக்கப்பட்டிருக்கின்றது.

ஆனால் சிலரே அதை ஞானமாக பயன்படுத்தி 10 மடங்கு பெருக்குவதற்கு பயன்படுத்துகிறோம்இந்த உவமையானது பல திறமையான திறமைகளை பற்றி சொல்லுகிறது. குறைந்த திறமை இருந்தும் சமமான உண்மைத்தன்மை இருந்ததால் அதே பலனை பெற்றர். நமக்கு கொடுக்கப்பட்டிருக்கிறவைகளுக்கோ, இயற்கையான திறமைகளுக்கோ நாம் பொறுப்பானவர்கள் அல்ல.

ஆனால் சிறப்பான முறையில் திட்டமிட்டு நேரத்தை பயன்படுத்துவதில் நமக்கு பொறுப்பு இருக்கின்றது.

🍒🍒காலம் வாய்ப்புகள்..

OPPORTUNITIES

🍒🍒 காலம்

பொருளாதாரம்..

ECONOMY

பவுல் எபேசியர்களிடம் காலத்தை பிரயோஜனப்படுத்திக் கொள்ளுங்கள் ( எபே 5:16 ) என்று சொல்லும்போது அவர் காலத்தை ஒரு பொருளைப் போல வாங்குவதைக் குறிப்பிடுகிறார். வாழ்க்கை என்னும் சந்தையில் நாம் நமது நேரத்தை சில பணிகள் மற்றும் செயல்களுக்குப் பதிலாக கொடுக்கின்றோம். அவைகள் மதிப்பு உள்ளவைகளாகவோ இல்லாமலோ, பயனுள்ளவைகளாக பயனற்றவைகளாகவோ இருக்கலாம். இதே வசனத்தை இன்னொரு வேதாகம மொழிபெயர்ப்பானது 

"வாய்ப்புகளை வாங்குங்கள் " என்று கூறுகின்றது. ஏனென்றால் காலம் என்பது வாய்ப்பாகும் இதில்தான் கவனமாக திட்டமிடப்பட்ட வாழ்க்கை முக்கியத்துவம் தெரிகின்றது.

காலம் எனும் பொருளாதாரத்தில் நாம் முன்னேறினோம் என்றால் நாம் வாழ கற்றுக் கொள்கிறோம். இங்கேயே நாம் தோல்வி அடைந்தால் எல்லா இடங்களிலும் தோற்கிறோம்.

🍒🍒 காலத்தை திரும்ப பெற முடியாது..

 இழந்து போன காலத்தை ஒருபோதும் திரும்ப பெற முடியாது. காலத்தை பதுக்கி வைத்து பின்னர் பயன்படுத்த முடியாது.

நன்றாக பயன்படுத்த தான் முடியும்.

 ஒரு சூரிய கடிகாரத்தில் கீழ்கண்ட வடிவில் பொறிக்கப்பட்டிருக்கின்றன 

"எனது விரல் விழச்செய்யும் நிழலானது.. எதிர்காலத்தை கடந்த காலத்தில் இருந்து பிரிக்கின்றது.. அதற்கு முன்பாக பிறக்காத மணி நிற்கின்றது.

இருளில் உன் சக்திக்கு எட்டாமல் இருக்கின்றது. திரும்ப முடியாத கோட்டுக்குப் பின்னால் ஒரு மணி தான் உன் கையில் இருக்கின்றது. இப்போது என்பதில் தான் நிழல் நின்று கொண்டிருக்கிறது"

🍒🍒காலத்தை கணக்கு வையுங்கள்

 நமக்கு உண்மையை வெளிக்காட்டும் நிஜத்தின் முகத்தில் ஒரு தலைவர் கவனமாக தன் முன்னுரிமைகளை தேர்ந்தெடுக்க வேண்டும். 

பல வாய்ப்புகள் மற்றும் பொறுப்புகளை அவர் சீர்தூக்கி பார்க்க வேண்டும். முக்கியமான பொறுப்புகள் என்னைக் கவனி என்று கூவிக்கொண்டிருக்கும்போது அவர் இரண்டாம் தர விஷயங்களில் தனது நேரத்தை செலவிட முடியாது. ஒவ்வொரு நாளுக்கும் கவனமாக திட்டமிடுதல் தேவை. சிறப்படைய விரும்பும் ஒரு மனிதர் தேர்ந்தெடுக்கவும், விலக்கிவிடவும் வேண்டும்.

 பின்னர் மிகவும் முக்கியமான வற்றில் அவர் கவனத்தை ஒருமுகப்படுத்த வேண்டும்.

ஒவ்வொரு வாரமும் கொடுக்கப்பட்ட நேரமானது எப்படி செலவிடப்பட்டது என்று கணக்கு வைத்திருப்பது மிகவும் உதவிகரமாக இருக்கும்.

பின்னர் அந்த கணக்கை வேதாகமத்தின் வெளிச்சத்தில் பார்க்க வேண்டும். அதில் நமக்கு கிடைக்கும் முடிவுகள் அதிர்ச்சி அளிப்பதாக இருக்கலாம். இப்படிப்பட்ட கணக்குகள் நாம் கற்பனை செய்ததற்கும் மேலாக, நமக்கு கிறிஸ்தவ சேவைகள் செய்வதற்கு தேவையான அளவு காலம் நமக்கு இருந்திருக்கிறது என்பதையே வெளிக்காட்டும்.

🍒🍒 காலம் என்னவாகிறது?

உதாரணமாக நாம் நமக்கு தாராளமாக எட்டு மணி நேரத்தை தூக்கத்துக்கு ஒதுக்கி இருப்பதாக வைத்துக் கொள்வோம்.

சிலர் ஒரு சில மணி நேரம் அதிகமாக தூங்கலாம்.

 3 மணி நேரம் சாப்பிடுவதற்கும் உரையாடல்களுக்கும் போக பத்து மணி நேரம் வேலைக்காவும் பயணத்துக்காகவும் வாரத்தில் ஐந்து நாட்கள் கழிந்து விடுகின்றன. இருந்தாலும் வாரத்துக்கு 34 மணி நேரம் இருக்கின்றது. இந்த நேரம் என்னவாகிறது.

அந்த நேரம் எவ்வாறு முதலீடு செய்யப்படுகிறது? ஒரு மனிதன் கடவுளின் ராஜ்யத்திற்கு கொடுக்கும் மொத்த காலமானது அந்த நேரம் எவ்வாறு செலவிடப்பட்டது என்பதே சார்ந்து இருக்கின்றது. 

இந்த நேரம் தான் உங்கள் வாழ்க்கை சாதாரணமாக கழிந்ததா அல்லது அசாதாரணமாக சென்றதா என்பதை நிர்ணயிக்க கூடியதாகும்.

தைரியமான மிஷினரி மேரி ஸ்லெஸ்ஸர் ஒரு குடிகாரனின் மகள் ஆவார்.

11ஆம் வயதில் அவர் ஒரு ஆலையில் வேலை செய்ய தொடங்கினார். அப்போது காலை 6 மணி முதல் மாலை 6 மணி வரை வேலை செய்தார்.

அந்த கடினமான சூழலும் கூட அவர் தானாகவே படித்து ஒரு சிறந்த பணிக்காக தன்னை ஆயத்தப்படுத்துவதில் அவருக்கு தடையாக இருக்கவில்லை.

 டேவிட் லிவிங்ஸ்டன் 10 வயதில் ஒரு பருத்தி ஆலையில் ஒரு நாளுக்கு 14 மணி நேரம் வேலை செய்தார்.

 படிக்காமல் இருப்பதற்கு அவருக்கு காரணங்கள் இருந்தன.

அவருக்கு இருந்த சிறுபொழுது போக்கு மற்றும் ஓய்வு நேரத்தை பிரயோஜனப்படுத்திக் கொள்ளாமல் இருப்பதற்கு சரியான காரணங்கள் இருந்தன.

ஆனால் லத்தீனை கற்று பதினாறு வயதிலேயே விர்ஜில் போன்ற செவ்விலக்கிய மேதைகளின் புத்தகத்தை கற்றுக் கொண்டார். 

தனது 27 ஆம் வயதில் அவர் மருத்துவம் மற்றும் இறையியல் ஆகியவற்றில் ஒரு படிப்பை முடித்து இருந்தார்.

🍒🍒 கிறிஸ்து எவ்வாறு காலத்தை கையாண்டார்?

வாழ்க்கையில் சொல்லிக் கொடும்படியாக எதையாவது சாதிக்கும் அளவுக்கு எனக்கு காலம் போதாது என்று சொல்வதற்கு மிகச்சிறிய வாய்ப்பே இருக்கும் அளவுக்கு இதைப் போன்ற உதாரணங்கள் அளவிடப்பட முடியாத அளவுக்கு இருக்கின்றன. காலத்தை மிகக் கவனமாகத் திட்டமிட்டு உபயோகிப்பதில் தான் நம் ஆண்டவர் பரிபூரணமா மாதிரியாக இருக்கின்றார்.

 அவர் தனது வாழ்க்கை முழுவதிலுமே ஒவ்வொரு அடியை எடுத்து வைக்கும் போது அளவிட்டுதான் செய்தார்.

எப்போதும் அவரை சுற்றி கூட்டமும் வேண்டுதலும் இருந்து கொண்டே இருந்தாலும் ஒருபோதும் அவர் அவசரப்படவில்லை. யாராவது அவரிடம் உதவிக்காக வந்தால் அவரிடம் அந்த உதவியை செய்வதை தவிர வேறு எந்த முக்கிய வேலையும் இல்லாதது போலவே அவர் நடந்து கொண்டார். இயேசுவின் அமைதியான இந்த குணத்துக்கான ரகசியம் அவருக்கு இருந்த ஒரு உறுதியான நம்பிக்கையில் தான் இருக்கின்றது. அவரது ஒவ்வொரு மணி நேரமும் அவசரத் தேவைக்கான காலமும் அவரது பிதாவின் சித்தப்படி முழுமையாக போர்த்தப்பட்டு இருப்பதாக அவர் நம்பியிருந்தார். ஒவ்வொரு நாளும் பிதாவுடனான தனது உறவின் மூலம் அவர்தான் பேச வேண்டிய பேச்சுக்கள் மற்றும் செய்ய வேண்டிய செயல்களை அவரிடம் இருந்து பெற்றுக் கொண்டே இருந்தார்.

 நான் உங்களுடனே சொல்லுகிற வசனங்களை என் சுயமாய் சொல்லவில்லை என்னிடத்தில் வாசமாய் இருக்கிற பிதாவானவரே இந்த கிரியைகளை செய்து வருகிறார்.

யோவான்14:10

 இயேசுவுக்கு இருந்த மிக முக்கியமான அக்கறை ஆனது அவர் கொடுக்கப்பட்ட காலத்துக்குள் அவருக்கென்று ஒதுக்கப்பட்ட பணியை செய்து முடிப்பது தான்.

 தனது வாழ்க்கையில் இருந்த தெய்வீக காலத்தை குறித்து அவர் அறிந்திருந்தார்.

யோவான் 7:6, 12:23, 27, 13:1, 17:1 வாசியுங்கள்.

 அவருடைய நேசத்திற்குரிய தாயிடம் கூட அவர் " என் வேளை இன்னும் வரவில்லை " என்று சொன்னார்.

 மரியாள் மற்றும் மார்த்தாளின் பிரச்சனைக்கு பதிலாக அவர் மேலும் இரண்டு நாட்கள் தாமதமாகச் சென்றார்.

 இறுதியில் தனது வாழ்க்கையைப் பற்றி சீர்தூக்கி பார்த்தபோது அவர் இவ்வாறு சொன்னார்.

யோவான் 17:4

அவசரத்தில் எதையும் வீணாக்காமல் நேரம் இல்லாமையால் பாதி தான் முடிக்கப்பட்டது என்று சொல்லாமல் இயேசு தனது வாழ்க்கையின் பணியை சிறப்பாக செய்து முடித்தார். அவரது இருபத்தி நான்கு மணி நேரம் நாளானது கடவுளின் முழுமையான சித்தத்தை செய்து முடிப்பதற்கு போதுமானதாக இருந்தது.

இயேசு தனது சீஷரிடம் கேட்டார் "ஒரு நாளுக்கு 12 மணி நேரம் இருக்கிறது என்கிறீர்களே? "

 ஜே ஸ்டுவர்ட் ஹோல்டன் அவர்கள் ஆண்டவர் இந்த வார்த்தைகளில் காலத்தின் குறுகிய தன்மையும் காலத்தின் போதுமான தன்மையும் காணப்படுகிறது என்கிறார்.

ஒரு நாளில் 12 மணி நேரங்கள் தான் இருக்கின்றன. ஆனால் 12 மணி முழு நேரம் நமக்கு இருக்கின்றது. காலத்தின் அருமையை உணர்ந்தவராக இயேசு மிகவும் முக்கியமானவற்றை மட்டுமே செய்தார். தேவையில்லாதவைகளுக்காக நேரம் ஆனது வீணாக்கப்படவில்லை. ஒழுக்க குணத்தின் பலமானது முக்கியம் அல்லாதவற்றை நிராகரிப்பதில் தான் பாதுகாக்கப்படுகின்றது. 

எனது வாழ்க்கையில் முக்கியம் அல்லாதவைகள் இல்லை. 

இது எனது தூய ஆண்டவர் நடந்த பாதை அல்ல. ஆனால் ஒவ்வொரு மணி நேரமும் வல்லமையும் எப்போதும் எல்லாமும் ஆண்டவருக்காகவே செலவிடப்படுகின்றன. 

🍒🍒 காலத்தில் குறுக்கீடுகள்..

கடவுளின் மகனது அமைதியை கெடுத்து அல்லது குறிப்பிட்ட எந்த ஒரு நிகழ்ச்சியின் சுவடும் நற்செய்தி நூல்களில் குறிப்பிடப்படாதது சுவாரசியமான ஒரு விஷயம் தான். எதிர்பாராத குறுக்கீடு போல நமது பரபரப்பான நாளில் நமக்கு அழுத்தத்தை ஏற்படுத்துவது வேறு எதுவும் இல்லை. ஆனாலும் இயேசுவின் வாழ்வில் அப்படி எதுவும் இருந்ததாக தெரியவில்லை. பிதாவின் திட்டத்தில் எதிர்பாராத நிகழ்ச்சிகள் கூட முன்பாகவே காணப்பட்டிருந்தன. ஆகவே இயேசு அவற்றால் அதிர்ச்சி அடையவில்லை.

 சில நேரங்களில் சாப்பிட கூட நேரம் இல்லாமல் போனது. ஆனால் பிதாவின் சித்தத்தை நிறைவேற்றுவதற்கு தேவையான நேரம் அவருக்கு இருந்தது.

🍒🍒கடவுள் கொடுக்காத வேலை காலத்தை விரயம் செய்யும்

 கடவுள் அவர்களுக்கு கொடுக்காத வேலைகளை செய்வதால் தான் ஆன்மீகத் தலைவர்களுக்கு அதிகமான அழுத்தம் ஏற்படுகின்றது. அப்படிப்பட்ட வேலைகளுக்கு கடவுள் அதிகப்படியான பலத்தை தருவார் என்று எதிர்பார்க்கக் கூடாது. குறுக்கீடுகளை தான் எவ்வாறு சமாளித்தார் என்பதை ஒரு நண்பர் என்னிடம் சொன்னார்.

"சில வருடங்களுக்கு முன்பு வரை குறுக்கீடுகளால் நான் வெறுப்படைந்து தான் இருந்தேன். அது என்னை பொறுத்தவரை ஒரு சுயநலமாகவே இருந்தது.

 மக்கள் என் அலுவலகத்துக்கு வந்து ரெண்டு ரயில் பயணங்களுக்கு நடுவே இரண்டு மணி நேரம் இருக்கின்றது. நேரத்தை கழிக்க வேண்டும் என்று சொல்வார்கள். ஆகவே நான் உங்களை பார்க்க வந்தேன் என்பார்கள். அது என்னை அதிக வருத்தத்திற்கு உள்ளாக்கியது பின்னர் ஆண்டவர் தான் அவர்களை என்னிடம் அனுப்பியதாக உணர்த்தினார். 

அவர் பிலிப்புவை எத்தியோப்பியா மந்திரியிடம் அனுப்பினார்.

அவர் சவுலிடம் பர்னபாவை அனுப்பினார். அதுவே இன்றும் நமக்கும் பொருத்தமானதாகும். கடவுள் நம் வழியில் மக்களை அனுப்புகிறார்.

 ஆகவே யாராவது வந்தால் " நான் கடவுள் தான் உங்களை இன்று இங்கு அழைத்து வந்திருக்க வேண்டும்.

அவர் எதற்காக உங்களை அனுப்பினார் என்பதை கண்டுபிடிப்போம். நாம் ஜெபிக்கலாம் என்று சொல்வேன். இது ரெண்டு விஷயங்களை செய்யும்.

 கடவுள் அந்த உரையாடலில் இருப்பதால் எங்கள் பேச்சு முக்கியமானதாகிவிடும்.

அது பொதுவாக அந்த உரையாடலை சிறிதாக்கிவிடும். கடவுள் அவரை எதற்காக அழைத்து வந்தார் என்பதை அறிய உங்களுக்கு ஆர்வம் இருக்கிறது என்று உங்களை பார்க்க வந்தவருக்கு தெரியும் போது அப்படி எந்த காரணமும் வெளிப்படையாக தெரியாத போது உங்கள் உரையாடல் சுருக்கமானதும் இனிமையானதாகவும் இருக்கின்றது.

 ஆகவே இப்பொழுது நான் குறுக்கீடுகளை கடவுள் இடமிருந்து வருவதாக எடுத்துக் கொள்கிறேன். அவைகள் தான் எனது கால அட்டவணையில் இருக்க வேண்டியவைகள் தாம்.

 ஏனென்றால் தனது இன்பத்துக்காக கால அட்டவணையை ஆயத்தம் செய்வது ஆண்டவரின் வேலையாகும்.

 ஒவ்வொரு வாழ்க்கைக்கும் கடவுள் ஒரு திட்டத்தை வைத்திருக்கிறார் என்று பவுல் உறுதிப்படுத்துகிறார்

எபேசியர் 2:10

தினசரி ஜெபத்தின் மூலம் தலைவர் அந்தத் திட்டத்தின் நுணுக்கமான விவரங்களை கண்டுபிடிக்கின்றார். பின்னர் அதன் அடிப்படையில் தனது வேலைகளை அமைத்துக் கொள்கிறார். ஒவ்வொரு அரை மணி நேரம் கூட தனது உபயோகத் தன்மையைத் தாங்கி இருக்க வேண்டும்.

 ஜான் வெஸ்லியும் எப் பி மேயர் அவர்களும் கிறிஸ்துவுக்காக உலகத்தில் பெரும் பாதிப்பை ஏற்படுத்தியவர்கள். இவர்கள் தங்கள் நாட்களை ஐந்து நிமிடங்கள் அடங்கிய பிரிவுகளாக பிரித்துக் கொள்வார்களாம். பின்னர் ஒவ்வொரு பகுதியும் முக்கியத்துவம் மிகுந்ததாக்க முயற்சிப்பார்களாம். இப்படிப்பட்ட ஒழுக்கத்தின் மூலம் நாம் அனைவருமே பயன்பட முடியும் உதாரணமாக வேறு வழிகளில் வீணாகும் நேரத்தை வாசிப்பதில் செலவிடலாம்.

 மேயரின் வாழ்க்கை வரலாற்றை எழுதியவர் அவர் எப்படி தனது காலத்தை பிரயோஜனப்படுத்தி கொள்வார் என்பதை சொல்கிறார். 

"ஒரு பெரும் ரயில் பயணம் இருக்கிறது என்றால் அவர் பெட்டியில் ஒரு மூலையில் உட்கார்ந்து கொண்டு தனது பயண பையை ஒரு எழுது பொருட்களின் அலமாரியைப் போல மாற்றி தனது எழுத்து வேலை செய்து கொண்டிருப்பார். சுற்றுச்சூழலை பற்றி அவர் அதிகம் கண்டு கொள்வதில்லை. அவ்வாறே காலத்தை அதிகமாக எடுத்துக் கொள்ளும் வளமையான செயல்களிலும் நிர்வாக கூட்டங்களிலும் கூட அவரது கருத்து ஒருமித்த கவனம் தேவைப்படாத நேரங்களில் அவர் அமைதியாகத் தனது பையைத் திறந்து பதில் எழுத வேண்டிய கடிதங்களை கவனிக்கத் துவங்கி விடுவார். 

🍒🍒காலத்தின் சமநிலை..

காலத்தைப் பொறுத்த வரை கருமையாக இருந்த இன்னொருவர்

W. E. சாங்க்ஸ்டர் என்பவராவர்.

அவர் மகன் அவரைப்பற்றி இவ்வாறு எழுதி இருக்கிறார்.

" நேரம் ஒருபோதும் வீணாக்கப்பட்டதில்லை.

ஒரு நிமிடத்துக்கும் ரெண்டு நிமிடங்களுக்கும் உள்ள வித்தியாசமானது குறிப்பிடத்தக்க விளைவுகளை கொடுப்பதாக அவருக்கு இருந்தது. அவரது படிப்பு அறையில் இருந்து திடீரென்று வந்து மகனே நீ எதையும் செய்யாமல் இருக்கின்றாயே. எனக்கு சரியாக 22 மணி நேரம் இருக்கின்றது. 

நாம் நடந்து விட்டு வரலாம் என்று சொல்லிவிட்டு வீட்டை விட்டு வெளியே மிகவும் வேகமாக நடப்பார். என்னால் அவருடன் நடப்பதற்கு கடினமாக இருப்பதால் நான் ஓடித்தான் செல்ல வேண்டியது இருக்கும். 

அவர் ஐந்து நிமிடங்கள் நாட்டு நடப்புகளை பற்றி பேசுவார். விளையாட்டு பற்றி இரண்டு நிமிடங்கள் பேசுவார். எழுப்புதலின் தேவைகளை பற்றி ஐந்து நிமிடம் பேசுவார். 

அரக்கன் இருக்கிறானா என்பது பற்றி இரண்டு நிமிடங்களும் பெருந்தலைவர் ஒருவரின் மனநிலையைப் பற்றி மூன்று நிமிடங்களும் பேசுவார். அதற்குள்ளாக நாங்கள் மீண்டும் வீட்டுக்கு வந்து இருப்போம்".

ஒரு தலைவர் தனது காலத்தைப் பற்றிய கண்ணோட்டத்தை சமநிலை உள்ளதாக பார்த்துக்கொள்ள வேண்டும். இல்லையென்றால் அதுவே கட்டாக மாறி அவரது வீழ்ச்சிக்கு காரணம் ஆகிவிடும். காலத்தின் மேல் பிடிப்பு இல்லாமல் வேலை செய்தால் அவர் தேவையில்லாத அழுத்தத்தை அனுபவிக்க வேண்டியது இருக்கும். 

தலைவர் தனது தினசரி பொறுப்புகளை செய்து முடிப்பதற்காக தனது முழு ஆற்றலையும் செலவிட்டிருந்தாலும் இன்னும் முடிக்க முடியாத வேலைகள் எப்போதும் அதிகமாக மீதம் இருந்து கொண்டே இருக்கும்.

 உதவி கேட்டும் வரும் ஒவ்வொரு அழைப்பும் கடவுளிடமிருந்து வருவதாக இருக்க முடியாது. ஏனென்றால் அனைத்து தேவைகளுக்கும் பதிலளிப்பது என்பது நம்மால் முடியாத ஒன்றாகும்.

ஒரு தலைவர் உண்மையாக தனது நாள் முழுவதையும் ஜெபத்தில் திட்டமிட்டு அதன் பின்னர் அவரது முழு ஆற்றலுடனும் முழு ஆர்வத்துடனும் அவற்றை செய்வார் என்றால் அதுவே போதுமானதாகும். அவர் கட்டுப்பாட்டுக்குள் இருக்கும் செயல்களுக்கு மட்டுமே ஒரு தலைவர் பொறுப்புள்ளவர் ஆவார். மற்றவர்களை மற்றவைகளை அவர் நமது அன்பும் சர்வ வல்லமை உள்ள பரலோக பிதாவிடம் ஒப்படைத்து விட வேண்டும். 

🍒🍒

காலம் தாழ்த்துதல் எனும் நேரத் திருடன்.

 நித்திய உரிமையை நிமிடமிருந்து தட்டிப் பறிப்பதற்காக சாத்தான் பயன்படுத்தும் வலிமையான ஆயுதங்களில் ஒன்றாகும். தள்ளிப்போடுதல்

( நாளைக்கு பார்ப்போம் )

 என்னும் பழக்கமானது ஆன்மீக தலைமைத்துவத்துக்கு மிகவும் அபாயகரமானதாகும்

இதன் ஆற்றலானது முக்கிய தீர்மானங்களை நேரிடையாக எதிர்கொள்வதற்கு நமக்கு இருக்கும் இயற்கையான தயக்கத்தில் தான் இருக்கின்றது. தீர்மானங்களை செய்வதற்கும் அவற்றின்படி செயல்படுவதற்கும் அதிக ஒழுக்க ஆற்றல் தேவை ஆகும்.

ஆனால் காலம் கடந்து போவதால் அந்த செயல்கள் இலகுவாவதில்லை. மாறாக அதற்கு எதிரடையாக தான் நடக்கும். பெரும்பாலான தீர்மானங்கள் அடுத்த நாளில் அதிக கடினமாகிவிடும். அப்படிப்பட்ட தாமதத்தால் நீங்கள் ஒரு சாதகமான வாய்ப்பு இழந்து போயிருக்கலாம். "நெருஞ்சி செடியை இன்று கையால் பிடிப்பதுதான் எதிர்காலத்தில் பிடிப்பதை விட எளிதானது".

" இப்போதே செய்" என்னும் கருத்தே பலரை உலகப்பிரகாரமான வெற்றிகளுக்கு இட்டுச் சென்றிருக்கிறது. அது அதே அளவுக்கு ஆன்மீக விஷயங்களுக்கும் பொறுப்பானதாகும். பொருத்தமானதாகும்.

 கால தாமதத்தை மேற்கொள்ள சிறந்த வழியானது வேலைகளுக்குக் காலக்கெடுவை விதிப்பதாகும். அவற்றில் ஒன்றைக் கூட தவறவிடாமலும் தள்ளிப் போடாமலும் இருக்க வேண்டும்.

 வாழ்க்கை முழுவதும் அதிகமாக வாசித்துக் கொண்டிருந்த ஒருவரிடம் "இதற்கெல்லாம் எப்படி நேரம் கிடைக்கிறது? என்று கேட்டார்களாம்.

" எனக்கு நேரம் கிடைப்பதில்லை நான் தான் நேரத்தை எடுத்துக் கொள்கிறேன்" என்று சொன்னார்.

♥️சிந்திப்போம்

🤝 நித்திரையைவிட்டு எழுந்திருக்கத்தக்க வேளையாயிற்றென்று, நாம் காலத்தை அறிந்தவர்களாய், இப்படிநடக்கவேண்டும், நாம் விசுவாசிகளானபோது இரட்சிப்பு சமீபமாயிருந்ததைப்பார்க்கிலும் இப்பொழுது அது நமக்கு அதிக சமீபமாயிருக்கிறது.

 ரோமர் 13:11

🤝புறம்பேயிருக்கிறவர்களுக்கு முன்பாக ஞானமாய் நடந்து, காலத்தைப் பிரயோஐனப்படுத்திக்கொள்ளுங்கள்.

 கொலோசெயர் 4:5

🌍josanders

♥️♥️♥️♥️♥️♥️♥️

கிறிஸ்தவ விசுவாசிகள் சபை 

தூத்துக்குடி 3

CHRISTIANS GATHERING TOGETHER TO THE NAME OF THE LORD JESUS CHRIST 

GATHERING OF SAINTS CHURCH AS FAMILY 

♥️♥️♥️♥️♥️♥️♥️