பிதாவே இவர்களுக்கு மன்னியும்..* *பாவ நிவாரண பலி* மேஜை நினைவு கூறுதல் தியானம்

            *WORSHIP THOUGHT* 

 *பிதாவே இவர்களுக்கு மன்னியும்..* 

 *பாவ நிவாரண பலி* 

@ ஆராதனை என்பது உன்னதமான கனம் மேன்மை நம் செயலினாலும் உணர்வினாலும் தகுதி வாய்ந்த ஒருவருக்கு செலுத்துவதாகும்.. 

@ ஆராதனை கட்டளை அல்ல.. 

ஆராதனை நம் வாழ்க்கை முறை.. 

@ கர்த்தருடைய பந்தி கிறிஸ்துவின் பாடு மரணத்தை நினைவு கூறும் மணித்துளிகள்.. 

@ கர்த்தருடைய பந்தி நம் உரிமை அல்ல. 

கர்த்தருடைய பந்தி கட்டளையாகும். 

@ சகோதர சபையில் நாம் ஆராதனை, கர்த்தருடைய பந்தி இரண்டையும் இணைத்து கர்த்தருக்கு மகிமை செலுத்துதல் ஆராதனையின் மேன்மையான பலி ஆகும்.. 

 *தியான வசனம்..* 

அப்பொழுது இயேசு: பிதாவே, இவர்களுக்கு மன்னியும், தாங்கள் செய்கிறது இன்னதென்று அறியாதிருக்கிறார்களே என்றார். அவருடைய வஸ்திரங்களை அவர்கள் பங்கிட்டுச் சீட்டுப்போட்டார்கள். 

லூக்கா 23:34

@ சிலுவையில் மொழிந்த இந்த முதல் வார்த்தைக்கு நிழலான பலி பாவ நிவாரண பலி. 

@ இயேசு கிறிஸ்து பூமியில் இருந்த நாட்களில் தனக்கு பாவங்களை மன்னிக்க அதிகாரம் உண்டு என்று சொல்லி மன்னித்தார். 

சிலுவையில் பிதாவை நோக்கி இவர்களை மன்னிக்க வேண்டுதல் செய்கிறார் 

@ காரணம் இந்த முதல் வார்த்தை ஒரு நிழலான பலியை நிஜமாக்குகிறது. 

@ பலி கிறிஸ்து. பலிபீடம் கிறிஸ்து. பலி மிருகம் கிறிஸ்து. 

பலியை தானாக ஏற்றுக்கொள்ள முடியாது. 

எனவே பலியை அங்கீகரிக்கும் ஏற்றுக்கொள்ளும் பிதாவிடம் வேண்டுகிறார். தன்னை பலியாக சமர்ப்பணம் செய்கிறார். 

 *பாவ நிவாரண பலியின் 4 நிபந்தனைகள்* .. 

1. *ஒருவன்* .. 

 *தனிப்பட்ட ஆராதனை..* 

நீ இஸ்ரவேல் புத்திரரிடத்தில் சொல்ல வேண்டியது என்னவென்றால், *ஒருவன்* கர்த்தருடைய கட்டளைகளில் யாதொன்றை *அறியாமையினால்* மீறி, செய்யத்தகாததைச் செய்து பாவத்துக்கு உட்பட்டால் அறியவேண்டியதாவது: 

லேவியராகமம் 4:2

2. *சபையார்* .. 

 *சபையாக ஆராதனை..* 

 இஸ்ரவேல் *சபையார்* எல்லாரும் *அறியாமையினால்* பாவஞ்செய்து, காரியம் தங்கள் கண்களுக்கு மறைவாயிருக்கிறதினால், கர்த்தருடைய கட்டளைகளில் யாதொன்றை மீறி, செய்யத்தகாததைச் செய்து, பாவத்துக்குட்பட்டுக் குற்றறவாளிகளானால், 

லேவியராகமம் 4:13

3. *பிரபு* .. 

 *சபை பொறுப்பாளர்..* 

ஒரு *பிரபு* தன் தேவனாகிய கர்த்தருடைய கட்டளைகளில் யாதொன்றை மீறி, *அறியாமையினால்* செய்யத்தகாததைச் செய்து, பாவத்துக்குட்பட்டுக் குற்றறவாளியானால், 

லேவியராகமம் 4:22

4. *சாதாரண ஜனங்களில் ஒருவன்..* 

 *முழு சபையும்..* 

 *சாதாரண ஜனங்களில்* ஒருவன் *அறியாமையினால்* கர்த்தரின் கட்டளைகளில் யாதொன்றை மீறி, செய்யத்தகாததை செய்து, பாவத்துக்குட்பட்டு குற்றவாளியானால், 

லேவியராகமம் 4:27

 _அறியாமை என்கிற நிபந்தனை 4 இடங்களிலும் காணப்படுகிறது_ .. 

@ பூரண ஆராதனைக்கு அனைவரும் பொறுப்பாகிறார்கள். 

@ அனைவருடைய அறியாமை பாவத்திற்கும் சிலுவையில் நிறைவேற்றப்பட்ட பாவ நிவாரண பலி போதுமானதாகிறது. 

 *பலிகள் மேல் கைகளை வைக்க வேண்டும் என்பது மற்றொரு நிபந்தனை..* 

 *ஒருவன்* .. 

அவன் அந்தக் காளையை ஆசரிப்புக் கூடாரவாசலிலே கர்த்தருடைய சந்நிதியில் கொண்டுவந்து, அதின் தலைமேல் *தன் கையை வைத்து,* கர்த்தருடைய சந்நிதியில் அதைக் கொல்லக்கடவன். 

லேவியராகமம் 4:4

 *சபையார்* .. 

சபையின் மூப்பர் கர்த்தருடைய சந்நிதியில் *தங்கள் கைகளை அதின் தலைமேல் வைக்கக்கடவர்கள்* ,; பின்பு கர்த்தருடைய சந்நிதியில் அந்தக் காளையைக் கொல்ல வேண்டும். 

லேவியராகமம் 4:15

 *மூப்பர்* 

அந்தக் கடாவின் தலைமேல் *தன் கையை வைத்து,* கர்த்தருடைய சந்நிதியில் சர்வாங்க தகனபலி கொல்லப்படும் இடத்தில் அதைக் கொல்லக்கடவன், இது பாவநிவாரணபலி. 

லேவியராகமம் 4:24

 *சாதாரண ஜனங்களில் ஒருவன்..* 

பாவநிவாரணபலியின் தலைமேல் *தன் கையை வைத்து,* சர்வாங்க தகனபலியிடும் இடத்தில் அந்தப் பாவநிவாரணபலியைக் கொல்லக்கடவன். 

லேவியராகமம் 4:29

@ தேவன் தன்னோடு ஜனங்கள் நெருங்கி சேர்வதற்கு ஏற்படுத்தப்பட்ட நியமம் பலி தான்.. 

@ எந்த காலத்திலும் தேவன் ஜனங்களை பலியின் மூலமாகவே ஏற்றுக்கொள்ளுகிறார். அங்கீகரிக்கிறார். 

 *ஆராதனை சிந்தனை :* 

நம்முடைய பலி எது? 

 _நாம் சிலுவை பலியினால் நீதிமான்களாக்கப்பட்டிருக்குறோம்._ 

 _சக சகோதரர்களை மன்னித்து ஏற்றுக்கொள்வதே தேவன் விரும்பும் அங்கீகரிக்கும் பலியாகும்._ 

 ஒருவருக்கொருவர் தயவாயும் மனஉருக்கமாயும் இருந்து, கிறிஸ்துவுக்குள் தேவன் உங்களுக்கு மன்னித்ததுபோல, நீங்களும் ஒருவருக்கொருவர் மன்னியுங்கள். 

எபேசியர் 4:32

shalomsteward1@gmail.com

Whatsapp:+91996505031