உன் வாழ்க்கையில் ஒரு திருப்பம் வெகு அவசியமாகின்றது.. சுவிஷேச செய்தி இன்று உனக்கு

உன் வாழ்க்கையில் ஒரு திருப்பம்

வெகு அவசியமாகின்றது

 மனுஷனுக்கு செம்மையாய் தோன்றுகிற வழியுண்டு: அதின் முடிவோ மரண வழிகள்.

நீதிமொழிகள் 16.25

நம் இயேசுவின் வருகை இன்று

வெகு சமீபமாய்த் தெரிகின்றது

உன் வாழ்க்கையில் ஒரு திருப்பம்

வெகு அவசியமாகின்றது..

நடுராத்திரியிலே: இதோ, மணவாளன் வருகிறார், அவருக்கு எதிர்கொண்டுபோகப் புறப்படுங்கள் என்கிற சத்தம் உண்டாயிற்று.

மத்தேயு 25.6

27 அன்றியும், ஒரேதரம் மரிப்பதும், பின்பு நியாயத்தீர்ப்படைவதும், மனுஷருக்கு நியமிக்கப்பட்டிருக்கிறபடியே, 

எபிரேயர் 9:27

28 கிறிஸ்துவும் அநேகருடைய பாவங்களைச் சுமந்து தீர்க்கும்படிக்கு ஒரேதரம் பலியிடப்பட்டு, தமக்காகக் காத்துக்கொண்டிருக்கிறவர்களுக்கு இரட்சிப்பை அருளும்படி இரண்டாந்தரம் பாவமில்லாமல் தரிசனமாவார். 

எபிரேயர் 9:28

பல்லவி

ஓ மானிடரே இதைச் சிந்திப்பீரே

இயேசு கிறிஸ்து வருகின்றார்

ஓ மானிடரே இதைச் சிந்திப்பீரே

இயேசு கிறிஸ்து வருகின்றார்.

2. பாவத்தில் புரளுவதும்

மா சாபத்தில் முடியும் அன்று

உன் வாழ்க்கையில் ஒரு திருப்பம்

மிக அவசியமாகின்றது – ஓ மானிடரே

 அவர் வருகிறார், அவர் பூமியை நியாயந்தீர்க்க வருகிறார், அவர் பூலோகத்தை நீதியோடும், ஜனங்களைச் சத்தியத்தோடும் நியாயந்தீர்ப்பார்.

சங்கீதம் 96.13

5 இதோ, நான் துர்க்குணத்தில் உருவானேன், என் தாய் என்னைப் பாவத்தில் கர்ப்பந்தரித்தாள்.

சங்கீதம் 51.3

3 என் மீறுதல்களை நான் அறிந்திருக்கிறேன், என் பாவம் எப்பொழுதும் எனக்கு முன்பாக நிற்கிறது.

சங்கீதம் 51

56 மரணத்தின் கூர் பாவம், பாவத்தின் பெலன் நியாயப்பிரமாணம்.

1 கொரிந்தியர் 15

15 பின்பு இச்சையானது கர்ப்பந்தரித்து, பாவத்தைப் பிறப்பிக்கும், பாவம் பூரணமாகும்போது, மரணத்தைப் பிறப்பிக்கும்.

யாக்கோபு 1

4 பாவஞ்செய்கிற எவனும் நியாயப்பிரமாணத்தை மீறுகிறான். நியாயப்பிரமாணத்தை மீறுகிறதே பாவம்.

1 யோவான் 3

3. தேவனைத் தள்ளுபவர்

மா வேதனை அடைவார் அன்று

உன் வாழ்க்கையில் ஒரு திருப்பம்

மிக அவசியமாகின்றது – ஓ மானிடரே

தமக்கு விரோதமாய் அவபக்தியுள்ள பாவிகள் பேசின கடினவார்த்தைகளெல்லாவற்றினிமித்தமும், அவர்களைக் கண்டிக்கிறதற்கும், ஆயிரமாயிரமான தமது பரிசுத்தவான்களோடுங்கூடக் கர்த்தர் வருகிறார் என்று முன்னறிவித்தான்.

யூதா 1.15

4. அன்பினால் வரும் அழைப்பு

நல்லதோர் எச்சரிப்பு

உன் வாழ்க்கையில் ஒரு திருப்பம்

மிக அவசியமாகின்றது – ஓ மானிடரே

ஒருவன் கர்த்தராகிய இயேசு கிறிஸ்துவினிடத்தில் அன்புகூராமற்போனால், அவன் சபிக்கப்பட்டவனாயிருக்கக்கடவன், கர்த்தர் வருகிறார்.

1 கொரிந்தியர் 16.22

5. தயவாக ஓடியே வா

கிருபையின் வாசல் உண்டு

உன் வாழ்க்கையில் ஒரு திருப்பம்

மிக அவசியமாகின்றது – ஓ மானிடரே

இதோ, மேகங்களுடனே வருகிறார், கண்கள் யாவும் அவரைக் காணும், அவரைக் குத்தினவர்களும் அவரைக்காண்பார்கள், பூமியின் கோத்திரத்தாரெல்லாரும் அவரைப் பார்த்துப் புலம்புவார்கள். அப்படியே ஆகும், ஆமென்.

வெளிப்படுத்தின விசேஷம் 1.7

கிறிஸ்தவ விசுவாசிகள் சபை

50A டூவிபுரம் 3 தூத்துக்குடி 628 003

shalomjjj@gmail.com

whatsapp: +91 9965050301